30. nóvember 2011

Fallegt þykir mér veðrið, frostið bítur kinn, finnst sem ég sé komin á Norðurlandið mörgum árum fyrr, hlakka til að búa til snjóengla í snjónum og horfa á norðurljósin dansa, það er gott að vera til.

Falleg birta sem fylgir snjónum

Það er eitthvað sem gerist innra með mér þegar snjórinn byrjar að falla til jarðar og mynda hvítt teppi á jörðinni, finnst það alltaf svo heimilislegt og notalegt. Sennilega má rekja það til þess að vera alin upp á Norðurlandi. Myrkrið verður fyrir vikið ekki eins yfirgnæfandi og birtan sem kemur frá snjónum endurkastar birtu í sálartetrið.